Aýdandardyń bıýdjetinen qarajat bólý úshin qoǵamdyq saraptama júrgiziledi

NUR-SULTAN. QazAqparat - Jergilikti ózin-ózi basqarýdyń qarjylyq múmkindigin kúsheıtý kerek. Bul týraly Memleket basshysy Qasym-Jomart Toqaev Qazaqstan halqyna jyl saıynǵy dástúrli Joldaýynda málim etti, dep habarlaıdy QazAqparat tilshisi.

«Infraqurylymdyq ári áleýmettik bastamalarǵa aýdandardyń jáne eldi mekenderdiń bıýdjetinen qarajat bólý úshin qoǵamdyq saraptama júrgizilýge tıis. Bul rette onlaın saýalnamany da qoldanǵan jón», - dedi Prezıdent.

Memleket basshysy jergilikti ózin-ózi basqarýdyń qarjylyq múmkindigin kúsheıtý kerektigin aıtty. Ol úshin múliktik quqyqty kúsheıtip, aýyldyq okrýgterdiń bıýdjet kirisin arttyrǵan jón.

Bıylǵy jyldyń 1 jeltoqsanyna deıin Úkimet normatıvtik bazany, osy mańyzdy problemany sheshýdiń tetikterin ázirleıdi.

Buǵan deıin Memleket basshysy jergilikti bıýdjetterdi bekitý barysynda baqylaýdy kúsheıtý qajettigin aıtqan bolatyn.