Aýdan men qala ákimderin saılaýǵa 2,2 mlrd teńge bólindi

Aýdandar men oblystyq mańyzy bar qalalardyń ákimderin saılaýǵa 2,2 mlrd teńge bólindi. Bul týraly Ortalyq saılaý komıssııasynyń múshesi Sábıla Mustafına aıtty, dep habarlaıdy QazAqparat tilshisi.

«Bul naýqanǵa respýblıkalyq bıýdjetten qarajat bólinbeıdi. «Saılaý týraly» Konstıtýtsııalyq zańnyń 33-babyna sáıkes, qarajat jergilikti bıýdjetten bólinedi. Búgingi tańda óńirlerdiń máslıhattarynyń sheshimderimen 2,2 mlrd teńge bólinip otyr», - dedi Sábıla Mustafına Ortalyq saılaý komıssııasynyń otyrysynda BAQ ókilderiniń saýalyna oraı.

Degenmen, onyń atap ótýinshe, bul - búginge deıin belgili bolyp otyrǵan soma. Aldaǵy ýaqytta ol ózgerýi de múmkin. Óıtkeni, keıbir óńirlerdiń aýmaqtyq saılaý komıssııasy máslıhattan qosymsha qarajat surap otyr.

Esterińizge sala ketsek, 17 oblystyń máslıhattary pılottyq rejımde saılaý ótkizý úshin 45 aýdan men oblystyq mańyzy bar qalalardyń tizbesin bekitti. Onyń ishinde 3 qala jáne 42 aýdan bar. Saılaý 5 qarashada ótedi.