Aýdan men aýylǵa jumysqa barǵan mamandarǵa beriletin járdemaqy mólsheri ósedi
ASTANA. QazAqparat – Eńbek jáne halyqty áleýmettik qorǵaý mınıstrligi «Aýyldyq eldi mekenderge jumys isteý jáne turý úshin kelgen mamandarǵa áleýmettik qoldaý sharalaryn usyný mólsherin aıqyndaý týraly» buıryq-jobasyn ázirledi, dep habarlaıdy QazAqparat tilshisi.
Qujatta jazylǵandaı, endi aýyldyq eldi mekenderge jumys isteý jáne turý úshin barǵan mamandarǵa myna mólsherde járdemaqy beriledi:
- kóterme járdemaqy – 100 AEK-ten (345 000 teńge) aspaıdy;
- turǵyn úı satyp alý nemese salýǵa áleýmettik qoldaý úshin bıýdjettik kredıt - aýdan ortalyqtaryna kelgen mamandar úshin 2500 AEK-ten (8 625 000 teńge) aspaıdy;
- aýyldyq eldi mekenderge kelgen mamandar úshin 2 000 AEK-ten (6 900 000 teńge) aspaıdy.
«Osy buıryqtyń 1-tarmaǵynyń 2 tarmaqshasy 2024 jylǵy 1 qańtarǵa deıin mynadaı redaktsııada qoldanylady dep belgilensin:
- turǵyn úı satyp alý nemese salýǵa áleýmettik qoldaý úshin bıýdjettik kredıt – 1 500 AEK (5 175 000 teńge) aspaıdy», - delingen Ashyq NQA portalynda jarııalanǵan mınıstr buıryǵynda.
ıAǵnı, keler jylǵa deıin aýdandar men aýyldarǵa barǵan jas mamandarǵa úı alý úshin 5,1 mln teńge berilse, 2024 jyldyń 1 qańtarynan bastap bul soma aýdanda 8,6 mln, eldi mekenderde 6,9 mln teńge bolyp bekitilmek.
