Aýdan ákimi mektep túlekterimen kezdesti
/strong>Mamyrdyń 21-i. QazAqparat /Názıra Eleýhan/ - Búgin Almatydaǵy №175-shi "Jańa ǵasyr" mektep-gımnazııada Áýezov aýdanynyń ákimi Bekqalı Torǵaev mektep túlekterimen kezdesti,
dep habarlaıdy QazAqparat.
«Biz Qazaqstannyń bolashaǵymyz» degen taqyryppen ótken kezdesýge Áýezov aýdanynyń AQSh, Reseı, Chehııa, Brazılııa, Avstrııa jáne taǵy da basqa memleketterde ótken halyqaralyq, respýblıkalyq baıqaýlardyń 64 jeńimpaz-túlekteri men aýdandaǵy 34 mekteptiń basshylary qatysty. Daryndy túlekter kezdesý barysynda aýdan ákimine tolǵandyryp júrgen suraqtaryn qoıa otyryp, aýdannyń kórkeıýi men damýyna baılanysty óz usynystaryn bildirdi. Sonymen qatar, olar «Aı astyndaǵy álem» atty qoldan jasalǵan týyndylaryn aýdan ákimine syıǵa tartyp, óz ónerlerin kórsetti. Aýdan ákimi óz tarapynan barlyq túlekterge estelik syılyqtar berip, aq jol tiledi.
«Búgin jastardyń maǵan qoıǵan suraqtarynyń ishinde jazǵy demalys ornyn, aýla klýbtaryn, talantty balalardyń basyn qosatyn ǵylymı ortalyq ashý týraly usynystary oı saldy. Bul suraqtar jastardy mazalasa, qajettilik týdy degen sóz. Men sondyqtan, bul máselelerdi kóterý jaǵyn qarastyryp, tapsyrma beremin», dedi Áýezov aýdanynyń ákimi Bekqalı Torǵaev.
Ákimniń pikirinshe, bizdiń bolashaǵymyz senimdi jastardyń qolynda. «Ol búgingi kezdesýde anyq kórinip tur. Men bizdiń elde, bizdiń aýdanda daryndy, talantty jastardyń kóp bolǵandyǵyn maqtan tutamyn», dep atap ótti ol kezdesý barysynda. Onyń aıtýynsha, bıyl aýdannan 2156 túlek mektep bitirip shyǵady.
Uıymdastyrýshylardyń aıtýynsha, bul aýdanda iske asyp otyrǵan osyndaı baǵyttaǵy birinshi kezdesý
