Aýdan ákimi Qostanaı oblysyndaǵy daý-damaı saldarynan otstavkaǵa ketti
QOSTANAI. QazAqparat - Jangeldi aýdanynyń ákimi Asqarbek Kenjeǵarın jumystan ketýge ótinish bildirip, onyń ótinishi qanaǵattandyryldy. Otstavkaǵa ketýine ony iri kólemde bóten múlikti ıelenip, ony jumsaýǵa qatysty aıyptaý boıynsha qylmystyq jaýapkershilikke tartý sebep boldy. Bul týraly «QazAqparat» HAA tilshisi habarlady.
Oblys prokýratýrasy qylmystyq is 6 aqpanda sotqa berilgenin rastady. Budan buryn habarlanǵandaı, Kenjeǵarın zeınetker Muhtar Omarhanovtyń ótinishi boıynsha jaýapkershilikke tartylǵan. Ol Altynsarın aýdany Malaıa Chýrakovka kentindegi Omarhanovqa tıesili úıdi zańsyz jekeshelendirip, ony 3 mln. teńgege «Dıplommen aýylǵa» baǵdarlamasy boıynsha baldyzyna satqan.
Kenjeǵarın Altynsarın aýdanynda aýyl sharýashylyǵy bólimin basqarǵan. Aýdandyq máslıhattyń hatshysy boldy. 2012 jyly Jankeldi aýdany ákimi laýazymyna aýysqan. Úıdi óz atyna aýdarýdy depýtat laýazymynda bolǵan kezde júzege asyrǵan.
Agenttikke bergen suhbatynda Omarhanov sheneýniktiń áreketin alaıaqtyq dep sanaıtynyn jetkizdi.
«Sot oǵan jáne osy zańsyzdyqqa jol berýge kómekteskenderge ádil sheshimin shyǵarady dep úmittenemin», - dedi Omarhanov.
