Aýdan ákimderine jergilikti bıýdjetti basqarý quqyǵy berilmek - Joldaý

ASTANA. QazAqparat – Aýdan ákimderine jergilikti bıýdjetti basqarý quqyǵyn bergen jón dep sanaımyn. Qazaqstan halqyna Joldaýyn jarııalaǵan Prezıdent Qasym-Jomart Toqaev bastama kóterdi, dep habarlaıdy QazAqparat tilshisi.

«Aýdan ákimderine jergilikti bıýdjetti basqarý quqyǵyn bergen jón dep sanaımyn. Bul - eń aldymen, sol jerdegi máselelerdi jedel sheshý úshin qajet. Budan bólek, jergilikti bıýdjetke jınalatyn salyqqa qatysty jeńildikterdi anyqtaý quqyǵyn aımaqtardyń ózine berý máselesin qarastyrý kerek. Bul shara bıznestiń damýyna úlken serpilis ákelmek. Usynylyp otyrǵan bastama óte mańyzdy. Keleshekte aımaqtardyń tabysty damýyna aıryqsha yqpal etedi. Sol sebepti, barlyq ákim bıýdjetaralyq qatynastardyń jańa úlgisine kóshý kezinde onyń birtutas memleketimizge tıgizetin paıdasy jáne tıimdiligi týraly oılaýy kerek», - dep usynys bildirdi Prezıdent.