Aýanyń lastanýy qylmys deńgeıin arttyrady - VVS
NUR-SULTAN. QazAqparat - «Bolashaqta polıtsııa qyzmetkerleri men bólimsheleri qylmystyń aldyn alý úshin qalalar men aýdandarda aýanyń lastaný kórsetkishin baqylaıtyn bolady.
Bul ǵylymı fantastıkalyq fılm sıýjeti sııaqty kórinýi múmkin. Degenmen, sońǵy júrgizilgen zertteýlerde bul tájirıbe oń nátıje bere alatyny aıtylǵan», dep jazady VVS basylymy.
Avtordyń aıtýynsha, aýanyń lastanýy psıhıkalyq densaýlyqqa keri áser etip, adamnyń oılaý júıesin zaqymdaıdy. Balalar mektepte nashar oqyp, tipti, qylmys sanynyń artýyna da alyp keledi.
«Búkil álemdegi halyqtyń jartysynan kóbi qalaly jerlerde turatynyn eskersek, ǵalymdardyń zertteýi alańdaýshylyq týǵyzady. Aýanyń lastanýynan jyl saıyn jeti mıllıon adam kóz jumady», - deıdi avtor.
Onyń jazýynsha, zertteýde ǵalymdar 600 jyldan astam ýaqyttaǵy qylmys deńgeıin nazarǵa alǵan.
«Zertteý avtorlary aýa lastanýynyń kórsetkishi joǵary jerlerde qylmys deńgeıi kóp ekenin anyqtady. Massachýsests tehnologııalyq ınstıtýtynyń ǵalymdary da AQSh-tyń 9 myń qalasyndaǵy toǵyz jyldaǵy aýa kórsetkishin sarapqa salyp kórdi. Ǵalymdar aýanyń lastanýy negizgi qylmys kategorııalaryna áser etetinin aıtty», dep jazady avtor.
