Aýanyń lastanýy aǵzaǵa qalaı áser etedi - VVS
NUR-SULTAN. QazAqparat - VVS basylymynyń jazýynsha, kelesi aptadan bastap London ortalyǵyna kirgisi keletin kólik ıeleri aqy tóleýge mindetteledi. Onyń maqsaty - aýa lastanýynyń aldyn alyp, aýrý kórsetkishin tómendetý.
«Ǵalymdar aýa lastanýynyń kesiri úlken ekenin aıtqan soń qala bıligi osyndaı sheshimge kelgen. London meri Sadık Han aýa lastanýynyń saldary syrt kózge baıqalmaıtynyn, biraq bul jaǵdaı qoǵamdyq densaýlyq saqtaý salasynda tótenshe jaǵdaı sanalatynyn aıtty», dep jazady basylym.
Avtordyń aıtýynsha, lastanǵan aýadaǵy kózge kórinbeıtin bólshekter adam mıyna túsip, densaýlyǵyn qatty zaqymdaıdy.
«Birinshiden, aýa lastanýy astmaǵa alyp keledi. Sebebi aýadaǵy zııandy bólshekter tynys alý joldaryna túsip, ókpeni zaqymdaıdy. Bólshekter tipti ókpeden bólek mıǵa da túsýi múmkin. Sondaı-aq bronhıt, emfızema, ókpe ragy sııaqty aýrýlardyń paıda bolýyna da aýanyń lastanýy áser etedi», dep jazady basylym.
