Aýany shekten tys lastaǵan ekibastuzdyq JEO qomaqty aıyppul arqalady
PAVLODAR. KAZINFORM — Pavlodar oblysy boıynsha ekologııa departamenti «Energy Solutions Center» JShS-ne josparly tekserý júrgizip, birqatar zań buzýshylyqty anyqtaǵan.
Tekserý barysynda atmosferalyq aýaǵa lastaýshy zattardyń shyǵaryndylary boıynsha belgilengen normatıvterdiń asyp ketkeni belgili bolǵan. Sondaı-aq shyǵaryndylardy baqylaýdyń avtomattandyrylǵan monıtorıng júıesiniń jumys istemeıtini jáne gaztazartý jabdyqtaryna kúrdeli jóndeý júrgizilgenin rastaıtyn qujattardyń joqtyǵy anyqtaldy.
— Tekserý nátıjeleri boıynsha kásiporynǵa anyqtalǵan buzýshylyqtardy joıý týraly nusqama berilip, oryndalý merzimi 2026 jylǵy 1 sáýirge deıin belgilendi. «Energy Solutions Center» JShS ákimshilik jaýapkershilikke tartylyp, 2,5 mln teńge kóleminde aıyppul salyndy, — dep habarlady óńirlik ekologııa departamentinen.
Buǵan deıin ekologııa departamenti Ekibastuz kenishterine aıyppul salǵan edi.
