Aýaǵa «taratylatyn» gazǵa qatysty Aıjan Esmaǵambetova jaýap berdi

NUR-SULTAN. QazAqparat –QR Bas memlekettik sanıtar dárigeri Aıjan Esmaǵambetova áleýmettik jelide aýaǵa belgisiz gazdyń taralýyna qatysty jarııalanyp júrgen qaýesetke senbeýge shaqyrdy, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken baspasóz máslıhatynda osy máselege qatysty suraq qoıyldy.

«Túnde aýaǵa belgisiz gazdy shashý jaǵdaıy bolyp jatqandyǵy týraly turǵyndar arasynda habarlama taralýda. Osy oraıda túnde úıdiń terezelerin jabý, balalardy dalaǵa shyǵarmaý kerektigi aıtylyp jatyr. Osy aqparat qanshalyqty shyndyqqa janasady?», - delingen qoıylǵan saýalda.

Óz kezeginde Aıjan Esmaǵambetova bul qaýeset shyndyqqa saı emestigin jetkizdi.

«Qandaı da bir qospalardy aýaǵa shashýǵa baılanysty aqparat durys emes ári shyndyqqa janaspaıdy. Bul turǵyda tek tekserilgen aqparatty, sondaı-aq resmı aqparat kózderinen alýdy suraımyn», - dedi Bas memlekettik sanıtar dáriger.