Aýa temperatýrasynyń tómendeýine baılanysty Almaty oblysynyń ózenderi arnalarynan tasyp, sý basý jaǵdaılary bolýy múmkin - 18 qańtarǵa arnalǵan aýa raıy boljamy
ASTANA. 17 qańtar. QazAqparat - 18 qańtar kúni Qazaqstannyń basym aýmaǵy sýyq antıtsıklonnyń yqpalynda bolady, onymen ashyq aıazdy aýa raıy kútilýde, dep habarlaıdy TJD-niń baspasóz qyzmeti Qazgıdrometke silteme jasap.
Respýblıkanyń batys, ońtústik-shyǵys jáne shyǵys aýdandary arqyly atmosferalyq aǵymdardyń ótýimen baılanysty qar jaýyp, keıbir aýdandarda tuman túsedi. Batysta jekelegen jerlerde kóktaıǵaq bolýy yqtımal.
Atyraý, Shyǵys Qazaqstan, túnde - Mańǵystaý oblystarynda keıbir jerlerde sekýndyna 15-22 metr ekpinmen jel soǵady, birqatar aýdandarda - tuman, kóktaıǵaq bolady dep kútilýde.
Aqtóbe oblysynda - sekýndyna 15-22 metrge jyldamdyqpen jel soǵady, jaıaý burqasyn júredi.
Qostanaı, Soltústik Qazaqstan, Jambyl, Almaty, Ońtústik Qazaqstan oblystarynyń keı jerlerinde tuman bolady.
Aldaǵy jaqyn táýlikte Ońtústik Qazaqstan, Qyzylorda, Jambyl jáne Almaty oblystarynyń ózenderinde muz qatý protses údeı túsip, sý deńgeıi múmkin. Almaty oblysynyń jekelegen ózenderinde 18-20 qańtar kúnderi aýa temperatýrasynyń tómendeýine baılanysty muz keptelisi bolyp, sý deńgeıi kóterilýi yqtımal. Sonyń saldarynan ózender arnalarynan tasyp, sý basý jaǵdaılary bolýy múmkin.
Buǵan deıin habarlanǵandaı, 17-19 qańtardaǵy túnde Qazaqstan aımaqtarynda kúrt kún sýytady. Osylaısha, 17-19 qańtar kúnderi Soltústik Qazaqstan oblysynda aýanyń temperatýrasy 28-33 gradýs aıazǵa deıin tómendeıdi dep kútilýde.
17-19 qańtardaǵy túnde Pavlodar oblysynda aýanyń temperatýrasy 27-32, keıbir jerlerde 37 gradýs aıazǵa deıin tómendeıdi dep kútilýde.
18-19 qańtar túnderinde Aqmola, Qaraǵandy oblystarynda aýanyń temperatýrasy 27-32, keıbir jerlerde 37 gradýs aıazǵa deıin tómendeıdi dep kútilýde.
17-19 qańtar kúnderi túnde Qostanaı oblysynda aýanyń temperatýrasy 25-30, keıbir jerlerde 35 gradýsqa deıin tómendeıdi dep kútilýde.
18-19 qańtarda túnde Shyǵys Qazaqstan oblysynda aýanyń temperatýrasy 32-37 gradýs aıazǵa deıin tómendeıdi dep kútilýde.
18-19 qańtarda túnde Aqtóbe oblysynda aýanyń temperatýrasy 23-28 gradýs aıazǵa deıin tómendeıdi dep kútilýde.
18-19 qańtarda túnde Qyzylorda, Almaty oblystarynda aýanyń temperatýrasy keıbir jerlerde 23-28 gradýs aıazǵa deıin tómendeıdi dep kútilýde.
18-19 qańtarda túnde Jambyl oblysynda aýanyń temperatýrasy keıbir jerlerde 25-30 gradýs aıazǵa deıin tómendeıdi dep kútilýde.
18-19 qańtarda túnde Ońtústik Qazaqstan oblysynda aýanyń temperatýrasy keıbir jerlerde 25 gradýs aıazǵa deıin tómendeıdi dep kútilýde.
