Aýa temperatýrasynyń kúrt tómendeýine baılanysty birqatar aımaqtarda kúre joldar jabyldy

dep habarlady búgin QR TJM-nyń baspasóz qyzmetinen.

Aýa raıynyń sýytýyna oraı, qańtardyń 26-synan 27-sine qaraǵan túni Soltústik Qazaqstan, al búgin tańsáride Aqmola oblysy men Astana qalasynan shyǵatyn barlyq baǵyttar boıynsha qoǵamdyq jáne dızeldi kólikter úshin tas joldarda qozǵalys shektetildi.

Aıta keteıik, kóktaıǵaq jáne burqasynnyń bolýy saldarynan qańtardyń 25-i kúni Almaty oblysynda kóliktiń barlyq túrleri úshin «Úsharal-Dostyq» avtojoly jabylsa, Shyǵys Qazaqstan oblysynda kúshti borannyń bolýy sebepti respýblıkalyq mańyzdaǵy «Taskesken-Baqty» (126-187 shaqyrym aralyǵynda), «Omby-Maıqapshaǵaı» (910-1002) jáne oblystyq mańyzdaǵy «Kúrshim-Qaljyr-Aqbulaq-Qaroı-Arshaly» tas joly kesheden beri jabyq.

Sondaı-aq osy kúni Mańǵystaý oblysynda «Aqtaý-Jetibaı» kúre jolynda, al Pavlodar oblysynda barlyq baǵyttar boıynsha qozǵalystarǵa tyıym salynǵan bolatyn.