Aýa sapasyn baǵalaýdyń eskirgen júıesinen bas tartý qajet - ekolog
«2021 jyldyń 1 shildesinen jańa Ekologııalyq kodeks qabyldandy. Onyń 418-babynda 2024 jyldyń 1 qańtarynan bastap bizde aýa sapasyna qatysty jańa normatıvter bekitilýi tıistigi kórsetilgen. Aldymyzda damyǵan 30 eldiń qataryna kirý strategııalyq mindeti tur. Ol úshin 2015 jyldan beri túrli zańdar, onyń ishinde Ekologııalyq kodeks qaralyp keldi. Sonymen qatar standarttarymyzdy da úılestirýimiz qajet», -dedi ol memlekettik organdar ókilderiniń qatysýymen atalǵan problemaǵa baılanysty ótken dóńgelek ústel barysynda.
Onyń atap ótýinshe, qazirgi ýaqytta elimizdegi kásiporyndar OND-86 ádistemesin qoldanyp, shyǵaryndylardy ózdiginshe mólsherlep júr. Al bul ádisteme eskirgen. Máselen, Reseı bul ádistemeden 2017 jyly bas tartqan. Qazaqstan bolsa áli kúnge osy ádistemeden shyǵa almaı otyr.
«Demek, qujat túrinde shyǵaryndylar seıiledi. Biraq, is júzinde olaı emes. Halyqtan da kóptegen shaǵym túsip jatyr. Jańa Ekologııalyq kodeks aıasynda biz OND-86 ádistemesinen bas tartqanbyz. Biraq, is júzinde ony áreket etý aımaǵy retinde qaldyryp otyr», - dedi Laýra Málikova.
