Aýa sapasy standartynyń jańa júıesin engizý qajet - EO sarapshysy
ASTANA. Naýryzdyń 11-i. QazAqparat /Qanat Mámetqazyuly/ - Qazaqstanǵa aýa sapasy standartynyń jańa júıesin engizý qajet. Búgin QR Parlamenti Májilisinde Eýropalyq Odaqtyń «Qazaqstan Respýblıkasynda ekologııalyq saıasattyń quraldaryn engizý» atty jobasynyń tanystyrlymy barysynda jobanyń bas sarapshysy Bolat Esekın osylaı málim etti,
dep habarlaıdy QazAqparat.
«Atmosferany ekologııalyq qorǵaý salasy boıynsha negizgi problemalardyń biri - ruqsat etilgen shekti kontsentratsııasy mólsheriniń eskirgenine qatysty bolyp otyr. Máselen, sýǵa qatysty mólsheri 300 ruqsat etilgen kontsentratsııany quraıdy, ári bulardyń arasynda asa qaýiptiler de qamtylyp ketedi. Al keıbir qaýipti bólshekter Qazaqstanda búgingi kúni qadaǵalaýsyz kúıinde tur», dedi B. Esekın.
Osyǵan oraı, EO jobasynyń sarapshylary ruqsat etilgen shekti kontsentratsııa boıynsha jańa júıege kóshýdi, Dúnıejúzilik densaýlyq saqtaý uıymymen bekitilgen deńgeıge ótýdi usynady.
Budan bólek, sarapshylar tarapynan shyǵaryndylar normalaryn qoljetimdi tehnologııalar negizinde retteýdi, shyǵaryndy úshin tólem mólsherin arttyrýdy, energııa tutyný normalaryn qaıta qarastyrýdy usynady. Budan bólek, sarapshylar Qazaqstanda janar-jaǵarmaı otyny sapasyna qatysty standarttardy qaıta qarý jáne onyń sapasyn baqylaý týraly másele kóterip otyr.
