Aýa sapasy: Óskemende ekologter kásiporyndardy kez kelgen ýaqytta teksere alady
ASTANA. KAZINFORM — Shyǵys Qazaqstan oblysynyń ákimi Nurymbet Saqtaǵanov Óskemendegi aýa sapasynyń jaǵdaıy jóninde pikir bildirdi.
Ákimniń aıtýynsha, qalanyń geografııalyq jaǵynan taýly oıpatta ornalasýy men eki ózennen tumannyń paıda bolýy da qolaısyz aýa raıy qalyptasýyna áser etedi.
Ekologııalyq táýekeldi tómendetý úshin 25 baqylaý beketi jelisi qurylady. Aldaǵy ýaqytta bul platforma kásiporyndarda ornatylǵan tirkeý aspaptaryn biriktirý arqyly keńeıtilmek.
— Іri kásiporyndarmen qolaısyz aýa raıy jaǵdaıynda ózara birlesip áreket etý týraly memorandýmdarǵa qol qoıyldy. Oǵan sáıkes Ekologııa departamentiniń mamandary kez kelgen ýaqytta kásiporyn aýmaǵyna kirip, ólsheýler júrgize alady. Qajet bolǵan jaǵdaıda ónerkásiptik kásiporyndar óndiristi tómendetedi, — dedi oblys ákimi Ortalyq kommýnıkatsııalar qyzmetindegi brıfıngte.
«Óskemen tynysy» qorshaǵan ortany qorǵaý bıýrosy jumys isteıdi. Onyń quramyna tájirıbeli ekologter, qoǵam jáne memlekettik organdardyń ókilderi kirdi.
Budan basqa, lastanýdyń shamamen 10%-yn quraıtyn jeke sektordy ortalyq jylýmen qamtamasyz etý josparda bar.
Shyǵaryndylardyń eń kóp kólemi kólikterge tıesili bolǵandyqtan (58-59%), elektromobılder men ekologııalyq kólikti damytý jumystary da júrip jatyr.
Buǵan deıin Nurymbet Saqtaǵanov Zaısan men Qatonqaraǵaıdaǵy jańa áýejaılar qashan ashylatynyn aıtqan edi.