Aýa raıynyń jyly bolýy egistiktegi jer qunarlylyǵyna oń áserin tıgizýde
ASTANA. QazAqparat - Pavlodar oblysynda aýa raıynyń jylýy egistiktegi jer qunarlylyǵyna oń áserin tıgizýde. Bul týraly oblystyq aýyl sharýashylyǵynyń mehanızatsııa jáne ósimdik sharýashylyǵy bóliminiń basshysy Baıbolat Rahymjanov málim etti, dep habarlaıdy pavlodarnews.kz.
«Aýa temperatýrasynyń jylýy saldarynan qar berik ustalyp tur, endi ony jel basqa jaqqa aýdaryp áketpeıdi. "Qazgıdromettiń" málimetinshe, aqpan aıynda qalyń qar jaýmaıdy», - dedi Baıbolat Rahymjanov.
Sondaı-aq, bólim basshysynyń aıtýynsha, qar jamylǵysynyń bıiktigi taza jerlerde - 20 sm, yqtyrmaly jerlerde 44 sm. Destelegish qoldanylǵan aımaqtarda - 46 sm. Qańtar basyndaǵy kórsetkishpen salystyrǵanda qazir qardyń bıiktigi edáýir joǵary.
