Aýa raıynyń nasharlaýynan 2 myńǵa jýyq jol-kólik oqıǵasy tirkeldi
ASTANA. QazAqparat - Germanııanyń batysyndaǵy Soltústik Reın-Vestfalııa federaldy aımaǵynda senbi kúni tańerteńnen bastap jeksenbige deıin kóktaıǵaq pen qalyń qar túsý saldarynan 1978 jol-kólik oqıǵasy oryn aldy.
Bul týraly jergilikti polıtsııa habarlady.
«Biz aýa raıynyń qolaısyzdyǵynan oryn alǵan jaǵdaılardy ǵana sanadyq. Basqa statıstıka engizilgen joq», - dedi quqyq qorǵaý organdarynyń ókili.
Onyń aıtýynsha, jol apatynan 145 adam zardap shekken, onyń ishinde 25-si aýyr jaraqat alǵan. Materıaldyq zalal 5,9 mıllıon eýroǵa baǵalanyp otyr.
Sonymen qatar, khabar.kz keltirgen derekke súıensek, aýa raıynyń kúrt nasharlaýynan eldiń batysynda birneshe áýejaı jumysyn toqtatty. Frankfýrt jáne Dıýsseldorfta áýe aılaǵy jabyldy. Onda senbi kúni shamamen Eýropanyń ishki 100 reısi toqtatylǵan.
