Aýa raıynyń kúrt jylynyp ketýine jahandyq klımattyń ózgerýi sebep bolyp otyr - Qazgıdromet
ASTANA. 25 qańtar. QazAqparat - Búginde aýa raıynyń kúrt jylynyp ketýine jahandyq klımattyń ózgerýi sebep bolyp otyr.
Qazgıdromettiń klımat pen sý máselelerin zertteý departamentiniń dırektory Paıyzhan Qojahmetov osyndaı málimdeme jasady.
«Biz sońǵy júz jyldyń ishinde Qazaqstandaǵy klımattyń ózgerýin zerttep shyqtyq. Shyny kerek, jahandyq jylymyqtyń saldarynan elimizdegi klımattyń jaǵdaıy ózgerip keledi. Máselen, sońǵy 30-40 jyldyń ishinde aýa raıy temperatýrasynyń ortasha kórsetkishi 1,5-2 gradýsqa kóterildi. Bul - úlken problema. Sebebi jahandyq temperatýra tek 1 gradýsqa ǵana ózgeredi», - deıdi P.Qojahmetov. Onyń aıtýynsha, ondaı ózgeristerdiń negizgi sebebi - adamnyń atmosferaǵa san alýan parnıktik gazdardy shyǵaryp, qorshaǵan ortany lastap otyrýy. Osynyń saldarynan soltústik aımaqtarda jyly aýa raıy saqtalyp, ońtústikte, kerisinshe, kún sýytyp tur.
