Aýa raıynyń kúrt buzylýyna baılanysty jolaýshylar poıyzdarynyń qozǵalysy toqtatyldy

dep habarlaıdy QR TJM baspasóz qyzmeti.

«Alakól aýdanynda «Kóktýma» ýchaskesiniń 228-230 shaqyrymynda aýa raıynyń qolaısyzdyǵyna baılanysty (sekýndyna 35-40 metrge deıin jetetin kúshti jel, burqasyn, qol sozar jerdeginiń kórinbeýi) 4 qańtar kúni 10 saǵat 20 mınýtta «Almaty-Úrimshi» baǵytyndaǵy №14 jolaýshylar poıyzynyń qozǵalysy toqtatyldy (poıyz Úshtóbe stansasynda tur).

Al 09 saǵat 25 mınýtta «Úrimshi-Almaty» baǵytyndaǵy №13 jolaýshylar poıyzynyń qozǵalysy toqtatyldy (poıyz Dostyq stansasynda aıaldap tur). Poıyzdar avtonomdy túrde jylytylýda, jolaýshylar azyq-túlikpen qamtamasyz etildi», - delingen baspasóz qyzmeti taratqan aqparatta.