Aýa raıynyń kúrt buzylýyna baılanysty úsh oblysta 9 jol jabyldy

ASTANA. QazAqparat - «QazAvtoJol» ulttyq kompanııasy birneshe joldyń jabylǵanyn málimdedi, dep habarlaıdy QazAqparat.

7 naýryz saǵat 17:30-daǵy aqparatqa sáıkes 3 oblysta aýa raıynyń kúrt nasharlaýyna baılanysty respýblıkalyq mańyzy bar avtojoldardyń 9 ýchaskesinde jol qozǵalysyna ýaqytsha shekteý engizilgen.

Atap aıtqanda, Aqmola, Soltústik Qazaqstan jáne Qostanaı óńirlerinde tasjoldar jabyldy.

Respýblıkalyq avtojoldardy kútip ustaý jumysyna 400 tehnıka men 500 qyzmetker jumyldyryldy.