Aýa raıynyń qolaısyzdyǵynan jolda qalǵan 800-deı kólik ıesine kómek kórsetildi - TJM
NUR-SULTAN. QazAqparat – Aýa raıynyń qolaısyzdyǵyn jol boıynda qalǵan 800-deı kólik ıesine kómek kórsetildi. Bul týraly QR Tótenshe jaǵdaılar mınıstrliginiń resmı ókili Talǵat Ýálı málim etti, dep habarlaıdy QazAqparat tilshisi.
«Keshe aýa raıynyń qolaısyzdyǵyna baılanysty birneshe respýblıkalyq jol qozǵalysyna tyıym salyndy. Atap aıtqanda, Nur-Sultan qalasynan Aqmola jáne Qaraǵandy oblysyna shyǵatyn joldar bar. Nur-Sultan qalasynan Şýchege baǵyt alǵan shamamen 270-teı kólik jol boıynda qalsa, kerisinshe Şýcheden elordaǵa kele jatqan 400-deı kólik joldy turyp qalǵan. Osy oraıda quzyrly organdar jedel shara qabyldap, jolda qalǵan 800-deı kólik pen onyń ıelerine kómek kórseti. Odan bólek, aýa raıynyń jaısyzdyǵynan Nur-Sultan - Petropavl tasjolynda 2 kólik apaty boldy. Abyroı bolǵanda adam shyǵyny joq», - dedi T. Ýálı elordada ótken baspasóz máslıhatynda.
Onyń aıtýynsha, joldardyń ashyq nemese jabyq ekeni týraly aqparat saǵat saıyn jańaryp turady.
«Dál qazirgi ýaqytta aýa raıynyń qolaısyzdyǵyna baılanysty Nur-Sultan-Qaraǵandy tasjoly jabyq. Sonymen qatar, bizdiń mınıstrlik basqa da quzyrly organdarmen birlesip, jol boıynda qalǵan adamdardy qutqarý jumystaryn júrgizip jatyr. Jáne de qazirgi sátte 60-tan astam adam jáne 300 tehnıka joldy tazalap jatyr. Jalpy el boıynsha keshe 14 jol ýchaskesi jabylǵanyn aıtty. Ol Qaraǵandy, SQO, Aqmola jáne Almaty oblysy aýmaǵyna qarasty joldar, - deıdi ol.
