Aýa raıynyń qolaısyzdyǵynan birqatar avtojoldar jabyldy
ASTANA. QazAqparat - Aýa raıynyń qubylýyna baılanysty birqatar joldarda kólik qozǵalysy toqtatyldy, dep habarlady QR Kólik jáne kommýnıkatsııa mınıstrliginiń baspasóz qyzmeti.
Astana qalasynda «Astana-Kókshetaý», Aqmola oblysynda «Jezqazǵan-Petropavl», «Ekterınbýrg-Almaty», «Qostanaı-Áýlıekól-Surǵan», «Jaqsy-Esil-Býzýlýk» baǵyttary boıynsha, Astana-Şýche tas jolynyń boıynda barlyq avtokólikteri úshin qozǵalys toqtatyldy. Aqtóbe oblysynda aýa raıynyń qubylýyna baılanysty 18 naýryz 13.30-dan bastap «Aqtóbe-Orsk» avtojolynyń boıynda júk kólikteri úshin, 18.00-den «Samara-Shymkent» jolynyń boıynda, 18.15-ten bastap «Qarabutaq-Komsomol» avtokólikter qozǵalysyna 22.00-den «Qandyaǵash - Emi - Yrǵyz» joldyrnda barlyq avtokólik túrleri úshin qozǵalys shektetildi. Qaraǵandy oblysynda aýa raıynyń qubylýynan «Sátbaev qalasynan Qostanaı oblysynyń shekarasyna» deıingi joldar barlyq avtokólikterge jabyldy. Qostanaı oblysynda aýa raıynyń ózgerýine baılanysty 18 naýryz 18.30-dan bastap «Denısovka-Jitiqara-Myqtykól-RF shekarasyna deıin», «Denısovka kenti - Qamysty - Aqtóbe oblysynyń shekarasyna deıin»; «Jezqazǵan - Petropavl», «Arqalyq-Torǵaı», «Áýlıekól-Joldama», «Qostanaı - Áýlıekól-Surǵan» baǵyttary boıynsha barlyq avtokólikter úshin qozǵalys toqtatyldy.
