Aýa raıynyń qolaısyzdyǵynan 1500-den astam jolaýshy temirjol kóligimen jetkizildi

ASTANA. QazAqparat  - Aýa raıynyń qolaısyzdyǵy saldarynan 1500-den astam jolaýshy temirjol kóligimen tasymaldandy, dep habarlaıdy «Jolaýshylar tasymaly» AQ baspasóz qyzmeti.

«4 aqpan kúni eldiń keı aımaqtaryndaǵy kúrdeli meteojaǵdaılarǵa baılanysty avtojoldardyń jabylýynan, «Jolaýshylar tasymaly» AQ 1500 jolaýshyny dittegen jerine jetkizý maqsatynda qosymsha 40 vagon tirkeý sharalaryn qoldandy», - delingen habarlamada. Ulttyq tasymaldaýshynyń qurylymdyq bólimsheleri jáne ortalyq apparaty kúsheıtilgen rejimde jumys isteýdi jalǵastyrýda.