Aýa raıynyń qolaısyzdyǵyna oraı birqatar óńirde joldarda qıyndyqtar týyndaýy múmkin
ASTANA. 26 naýryz. QazAqparat - QR Іshki ister mınıstrliginiń Jol polıtsııasy komıteti 26-28 naýryz kúnderi aýa raıynyń qolaısyzdyǵyna oraı birqatar óńirde joldarda qıyndyqtar týyndaýy múmkindigin eskertedi.
Atap aıtqanda, Qazgıdromet aqparatyna sáıkes, 26 naýryz kúni Batys Qazaqstan men Atyraý oblystarynda jańbyrdyń artynsha qar jaýyp, tuman túsýi múmkin.
26-27 naýryz aralyǵynda Aqmola, Qostanaı, Soltústik Qazaqstan oblystarynda, 27 naýryzda Pavlodar oblystarynda jaýyn-shashyn túsip, ońtústik-batystan soqqan jeldiń jyldamdyǵy sekýndyna 15-20, keı jerlerde 25 metrge jetedi. Aýa temperatýrasy túnde -7, -12, keı jerlerde -17 gradýs sýyq bolady. Joldar taıǵaq bolýy múmkin.
«Jol polıtsııasy mundaı jaǵdaıda júrgizýshilerge jyldamdyqty mindetti túrde tómendetýdi ári kólikter arasyndaǵy ara qashyqtyqty alshaq ustaýdy keńes etedi», - deıdi Jol polıtsııasy komıtetiniń baspasóz hatshysy Irına Lýkıanına.
