Aýa raıynyń qolaısyzdyǵyna baılanysty úsh oblysta joldar jabyldy
ASTANA. QazAqparat - Aqtóbe oblysynda aýa raıynyń qolaısyzdyǵynan 2 naýryz saǵat 09.15-ten beri barlyq avtokólik túrleri úshin «Qandyaǵash-Embi-Shalqar-Yrǵyz» jolynyń boıynda 92-258 shaqyrym aralyǵynda jol qozǵalysy jabyldy.
Qyzylorda oblysynda aýa raıynyń qolaısyzdyǵynan barlyq avtokólik túrleri úshin 2 naýryz 19.00-den beri «Qyzylorda-Pavlodar» jolynyń 12-216 shaqyrymy aralyǵynda qozǵalys shekteldi.
Sondaı-aq Qaraǵandy oblysynda da «Qyzylorda-Pavlodar» jolynyń boıynda 216-424 shaqyrym aralyǵynda barlyq avtokólik túrleri úshin qozǵalys toqtatyldy, dep habarlady «Qazaqavtojol» RMK.
