Aýa raıynyń qolaısyzdyǵyna baılanysty respýblıkanyń 5 oblysynda joldar jabyldy
ASTANA. QazAqparat - Aýa raıynyń qolaısyzdyǵyna baılanysty respýblıkanyń 5 oblysynda jol qozǵalysyna shekteý qoıyldy, dep habarlaıdy QR ІІM Tótenshe jaǵdaılar komıteti.
Shyǵys Qazaqstan oblysynda boran bolyp, joldyń nashar kórinýine baılanysty «A11 Semeı - RF shekarasy» avtojolynyń ýchaskesinde (0-49 shaqyrym) kóliktiń barlyq túrleri úshin jol jabyldy.
Qostanaı oblysynda «A-21 Mamlıýt - Qostanaı» (180-243 shaqyrymy) tas joly jabyldy. Aqmola oblysynda qar jaýyp, boran soǵýyna baılanysty «Astana - Petropavl» (304-341 shaqyrymy) avtojoly, SQO-da «Mamlıýt-Qostanaı» (0-180 shaqyrymy), «Chelıabi-Novosibir» (465-655 shaqyrymy), «Petropavl-Sokolov-Esil» (11-73 shaqyrymy) «Jezqazǵan-Petropavl», (719-954 shaqyrymy), «Astana-Petropavl» (341-473 shaqyrymy) tas joldarynda barlyq kólik túrleri úshin joldar jabyldy.
Qaraǵandy oblysynda kóktaıǵaq saldarynan «Ekaterınbor - Almaty» (1488-1854) tas joly qoǵamdyq kólikter úshin jabyldy.
