Aýa raıynyń qolaısyzdyǵy saldarynan Shyǵys Qazaqstan oblysyndaǵy tas joldar jabyldy
ÓSKEMEN. QazAqparat - Kórý múmkinshiliginiń bolmaýynan jáne burqasynnan búgin Semeıde eki aýysymdy mektepterdegi barlyq sabaqtar toqtatyldy.
Saǵat 14.00-den bastap qazirge deıin «OblShyǵysJol» QMK kórý múmkinshiliginiń bolmaýynan jáne burqasyn saldarynan keıbir aýdandarda tas joldardyń jabylǵandyǵy týraly habarlama jiberýde, dep habarlaıdy «QazAqparat» HAA tilshisi.
Saǵat 16-daǵy derekterge súıensek, «OblShyǵysJol» aqparaty boıynsha Novopokrovka-Petropavlovka-Zýbaır-Baıtanat oblystyq deńgeıdegi jalpy qoldanystaǵy tas joldarda 0-41 shaqyrymdaǵy ýchaskesinde (Petropavlovka 25-37 km Baıtanat) burqasyn men kórý múmkinshiliginiń bolmaýy saldarynan transporttyń barlyq túrleri úshin jol jabyq.
Odan bólek, Borodýlıha - Jezkent oblystyq deńgeıdegi jalpy qoldanystaǵy tas jolynda 0-49 shaqyrymdaǵy ýchaskesinde (Sosnovka aýylynan 22-49 km Jezkent aýylyna deıin) qatty burqasyn men kórý múmkinshiliginiń bolmaýy saldarynan transporttyń barlyq túrleri úshin jol jabyldy.
«Shar - Bakyrchık» (0-42 km), Voskresenovka-Petropavlovka-Shelehova-Bel-Agash-Dmıtrıevka oblystyq deńgeıdegi jalpy qoldanystaǵy tas joldarynda 0-64 shaqyrymdaǵy ýchaskesinde (Voskresenovka 4 - 47 km Zenkovka) qatty burqasyn, boran men kórý múmkinshiliginiń bolmaýy saldarynan kóliktiń barlyq túrleri úshin jol jabyldy.
«Qazgıdromet» RMK bólimshesiniń aqparatyna súıensek, 24 qańtar kúni oblystyń keıbir aýmaǵynda burqasyn bolady, jeldiń uıytqýy 15-20 m/sek, keı jerlerde m/sekýndqa deıin jetedi dep kútilýde.
