Aýa raıynyń qolaısyzdyǵy saldarynan ShQO qutqarý qyzmetteri jumystyń kúsheıtilgen rejımine aýystyryldy (FOTO)
ÓSKEMEN. QazAqparat - Tórtinshi kún boıy oblystyń barlyq derlik aýdandarynda qalyń jaýǵan qarmen kúres jalǵasyp jatyr.
TJ departamentinde jedel shtab ashyldy. Qyzmetkerler kúsheıtilgen jumys rejımine aýystyryldy. Aýa raıy áli de qolaısyz bolyp tur. Oblysta burqasyndar men kúrtik qardyń saldarynan jeltoqsan aıyna tán emes jyly kún raıy, kóktaıǵaq saqtalýda, aımaqtyń taýly aýdandarynda qar kóshkininiń ózdiginen júrý qaýpi saqtalyp otyr.
Sınoptıkter aldaǵy kúnderi jeldiń qatty ekpinin boljap otyr, keıbir aýdandarda jeldiń jyldamdyǵy sekýndyna 30 metrge deıin jetedi.
ShQO TJD daǵdarys ortalyǵynyń jedel shtabynan habarlaǵandaı, osy 4 kúnde «Órt sóndirý jáne apattyq-qutqarý jumystary qyzmetiniń» kúshimen qar qursaýynda qalyp qoıǵan 334 adam men 193 tehnıka birligi qutqaryldy.
