Aýa raıynyń qolaısyz jaǵdaıyna baılanysty Almaty áýejaıy birqatar ushaqtardy qabyldamady
ALMATY. 6 maýsym. QazAqparat - Búgin Almatydaǵy qolaısyz aýa raıy jaǵdaıyna baılanysty Máskeý-Almaty baǵytyndaǵy KS 985 jáne Aqtóbe-Almaty baǵytyndaǵy KS 864 reısterine qyzmet kórsetetin ushaqtar Qaraǵandy áýejaıyna qonýǵa májbúr boldy.
Osy sebeppen Aqtaý-Almaty baǵytyndaǵy KS 858 reısi de Bishkekke jóneltildi.
Almaty - Astana - Almaty baǵytyndaǵy KC 855/856 jáne KC 955/956 reısteri biriktirilip, KC 955/956 reısiniń kestesimen jiberiledi. Bul týraly «Eır Astana» avıakompanııasynyń baspasóz qyzmeti Facebook-tegi resmı paraqshasynda habarlady.
