Aýa raıynyń buzylýynan Ońtústik pen Jambyl oblystarynda joldar jabyldy
ASTANA. QazAqparat - Aýa raıynyń buzylýyna baılanysty Ońtústik Qazaqstan men Jambyl oblystarynda keıbir jol ýchaskeleri jabyldy, dep habarlaıdy QazAqparat «Qazavtojol» RMK baspasóz qyzmetine silteme jasap.
«Aýa raıy jaǵdaıynyń buzylýyna (qar, burqasyn, kórý múmkindiginiń shektelýi) baılanysty 18 qazan kúni saǵat 18:25-te Jambyl oblysynda «Almaty-Tashkent-Termez» avtojolynyń (534-593 shaqyrym aralyǵy) Aısha-bıbi beketinen Ońtústik Qazaqstan oblysynyń shekarasyna deıingi bóliginde júk jáne qoǵamdyq kólikter úshin qozǵalys shekteldi», - delingen taratylǵan habarlamada.
Sondaı-aq Ońtústik Qazaqstan oblysynda «Almaty-Tashkent-Termez» kúre jolynyń (593-606 shaqyrym aralyǵy) Jambyl oblysynan bastap Aqbıik aýylyna deıingi bóliginde júk jáne qoǵamdyq kólikter úshin qozǵalys shekteldi.
