Aýa raıynyń buzylýynan «Astana-Kókshetaý» avtojoly jabyldy
ASTANA. 23 jeltoqsan. QazAqparat - Astana qalasynda aýa raıy jaǵdaıynyń buzylýyna
(kóktaıǵaq, burqasyn, kórý múmkindiginiń nasharlaýy) baılanysty 23 jeltoqsan kúngi saǵat 10.28-den bastap kóliktiń barlyq túrleri úshin «Astana-Kókshetaý» avtojoly jabyldy. Bul týraly QR TJM Respýblıkalyq daǵdarys ortalyǵynan habarlady.
Sondaı-aq eske salaıyq, Almaty oblysynda aýa raıynyń qolaısyzdyǵyna (burqasyn, kórý múmkindiginiń shekteýligi) baılanysty 21 jeltoqsan kúni saǵat 09.40-tan bastap kóliktiń barlyq túrleri úshin jabylǵan «Úsharal-Dostyq» avtojolymen qozǵalys áli jandanbady.
