Aýa raıynyń buzylýyna baılanysty Almaty jáne Shyǵys Qazaqstan oblystaryndaǵy avtokólikterdiń qozǵalysy jabyldy - QR TJM
ANA. 7 jeltoqsan. QazAqparat - Aýa raıynyń buzylýyna baılanysty Almaty oblysyndaǵy «Úsharal-Dostyq» baǵytyndaǵy jolda avtokólik qozǵalysy jabyldy, dep habarlaıdy seısenbi kúni Qazaqstan Tótenshe jaǵdaılar mınıstrliginiń baspasóz qyzmeti.
«6 jeltoqsan kúngi saǵat 18.00-den bastap aýa raıy jaǵdaıynyń buzylýyna baılanysy «Úsharal-Dostyq» jolynda kóliktiń barlyq túrleri úshin jol jabyldy», - dep habarlady TJM-nyń baspasóz qyzmeti. Tótenshe jaǵdaılar jónindegi mınıstrliktiń baspasóz qyzmeti habarlaǵandaı, bir kún buryn, ıaǵnı 5 jeltoqsanda osy joldyń 89-94 shaqyrymy arasynda 6 tehnıka qarǵa keptelip turyp qalǵan, sonyń ishinde 2 jeńil avtokólik bolsa, 4 júk kóligi bar, al dalada qalǵan adamdar sany 13. Aýa-raıynyń buzylýy adamdardy ábigerge túsirgen. Alaıda QR TJM qutqarýshylary adamdardy qutqaryp, úılerine qaıtardy.
«Іzdestirý-qutqarý sharalarynyń barysynda Úsharal qalasyna bara jatqan 13 adam tabylyp, qaýipsiz jerlerge kóshirildi. Olardy qutqarýǵa QR TJM Almaty oblysynyń tótenshe jaǵdaılar departamenti jeke quramyndaǵy 6 adam men 2 tehnıka jumyldyryldy», - delingen baspasóz qyzmetiniń taratqan aqparatynda.
QR TJM habarlap otyrǵandaı, aýa raıynyń nasharlaýyna baılanysty «Kúrshim-Qaljyr» baǵytyndaǵy «Egindibulaq-Ashaly» jolynyń 40-98 shaqyrymyndaǵy jolda kólik qozǵalysy toqtatyldy.
