Aýa raıynyń buzylýyna baılanysty 6 óńirde eskertý jarııalandy
NUR-SULTAN. QazAqparat - Aýa raıynyń buzylýyna baılanysty Qazaqstannyń birneshe óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
4-5 qarasha aralyǵynda Qostanaı oblysynyń keı jerlerinde tuman túsip, kóktaıǵaq bolady. Ońtústik-batystan soqqan jeldiń kúshi 18 m/s jetedi.
4-5 qarasha aralyǵynda Nur-Sultan qalasynda tuman túsip, kóktaıǵaq kútiledi.
3-5 qarasha aralyǵynda Almaty oblysynyń keı jerlerinde jaýyn-shashyn (jańbyr sońy qarǵa ulasady) bolady. Keı jerlerde tuman túsip, kóktaıǵaq bolady. Ońtústik-batystan soqqan jel soltústik-shyǵysqa aýysady. Jel ekpini - 15-20 m/s. Túnde keı jerlerde 0-5 gradýsqa deıin úsik júredi.
5-7 qarasha aralyǵynda Qyzylorda oblysynyń keı jerlerine tuman túsedi. 5 qarasha túnde keı jerlerde kóktaıǵaq bolady. Túnde jáne tańerteń soltústik-batystan jáne batystan jel soǵady. Jel qarqyny keı jerlerde 15-20 m/s deıin kúsheıedi.
4-5 qarasha aralyǵynda Aqmola oblysynda tuman, kóktaıǵaq, jaıaý burqasyn bolady. Soltústik-shyǵystan soqqan jel batysqa aýysady. Keı jerlerde jeldiń kúshi 15-20 m/s jetedi. Kókshetaý qalasynda tuman túsip, kóktaıǵaq kútiledi.
4-5 qarasha kúnderi Túrkistan oblysynyń keı jerlerine tuman túsedi. Kóktaıǵaq bolady. Soltústik-batystan soqqan jel soltústik-shyǵys baǵytyna aýysady. Jel ekpini 15-20 m/s deıin kúsheıedi.
