Aýa raıyna baılanysty toqtatylǵan Astana-Úrimshi baǵytyndaǵy poıyz 19 saǵattan keıin qozǵalysyn jalǵastyrdy
ASTANA. Qańtardyń 21-i. QazAqparat - Aýa raıynyń nasharlaýy sebepti «Astana-Úrimshi» baǵytyndaǵy poıyzdyń qozǵalysy Almaty oblysy Beskól stansysynda toqtatyldy,
dep habarlady qańtardyń 21-i kúni QR TJM-nyń baspasóz qyzmetinen.
Bolat joldardy mol túsken qardyń basyp qalýy sebepti, atalmysh baǵyttaǵy poıyzdyń qozǵalysy qańtardyń 20-sy kúni saǵat 12.55-te toqtatylǵan bolatyn. Aýa raıynyń qolaısyzdyǵyna baılanysty atalmysh ýchaskede tazartý jumystaryn belgili ýaqytqa deıin júrgizý múmkin bolmady. Degenmen, búgin, qańtardyń 21-i kúni tańerteńgi saǵat 08.05-te poıyz óz qozǵalysyn qaıta jalǵastyrdy.
«Poıyzdyń barlyq 270 jolaýshy din-aman jáne qandaı da bir medıtsınalyq kómekti qajet etpeıdi», dep anyqtady vedomstvo baspasóz qyzmetiniń basshysy Eldor Raıymbekov.
