Aýa raıyna baılanysty ShQO trassalarynda kólik qozǵalysy shekteldi
ÓSKEMEN. QazAqparat – Shyǵys Qazaqstan oblysynyń avtojoldarynda aýa raıyna baılanysty kólik qozǵalysy shekteldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 17.40-tan bastap «Óskemen-Shemonaıha - RF shekarasy» tasjoly men Beloýsovka aýyly jáne Rıdder qalasy aralyǵyndaǵy jolda tirkemesi jáne jartylaı tirkemesi bar júk kólikteri, sondaı-aq jolaýshy tasıtyn kólikter úshin qozǵalysqa shekteý engizildi.
«Kólik qozǵalysy shektelýiniń sebebi aýa raıynyń nasharlaýyna baılanysty bolyp otyr. Atalǵan jol bóliginde kóktaıǵaq pen qatty jeldiń saldarynan avtokólik júrgizýshileriniń qaýipsizdigine qaýip tónedi», - delingen aqparatta.
