Aýa raıyna baılanysty Respýblıkalyq mańyzdaǵy birqatar joldar jabyldy
ASTANA. 5 qańtar. QazAqparat. Respýblıkalyq mańyzy bar joldarda qaýipsizdikti qamtamasyz etý maqsatynda birqatar aýmaqtarda joldar jabyldy,
dep habarlaıdy KKM baspasóz qyzmeti.
Boran soǵyp, joldyń kórinýi nasharlaýyna baılanysty 4 qańtar kúngi saǵat 15.00-den bastap Almaty - Óskemen avtojolynyń Úsharal - Dostyq ýchaskesinde barlyq avtokólikterge júrýge tyıym salyndy.
4 qańtar kúngi saǵat 16.00-den bastap 5 qańtar kúngi saǵat 07.00-niń aralyǵynda aýa temperatýrasynyń -45 gradýsqa deıin tómendeýine baılanysty Shyǵys Qazaqstan oblysy baǵytyndaǵy Almaty - Óskemen avtojolynda jolaýshylar tasymalyndaǵy kólikter men dızeldik qozǵaltqyshpen jabdyqtalǵan avtokólikterge júrýge tyıym salyndy.
4 qańtar kúngi saǵat 20.00-men 5 qańtar kúngi saǵat 07.00-niń aralyǵynda aýa temperatýrasynyń tómendeýine baılanysty Ekaterınbýrg - Almaty avtojolynda jolaýshylar tasymalyndaǵy kólikter men dızeldik qozǵaltqyshpen jabdyqtalǵan avtokólikterge, al qalǵan joldarda avtokólikterdiń barlyq túrlerine júrýge tyıym salynady.
Pavlodar oblysynda 4 qańtar kúngi saǵat 16.00-men 5 qańtar kúngi saǵat 07.00-niń aralyǵynda aýa temperatýrasynyń 33 gradýsqa deıin tómendeýine baılanysty respýblıkalyq mańyzy bar barlyq avtojoldarynda jolaýshylar tasymalyndaǵy kólikter men dızeldik qozǵaltqyshpen jabdyqtalǵan avtokólikterdiń júrýine de tyıym salyndy.
Avtomobıl joldarynda keleńsiz jaǵdaılardyń aldyn alý úshin aýa raıy jaqsarǵansha jol júrýge shyqpaı, Qazaqstannyń gıdrometeorologııalyq qyzmetiniń habarlamalaryna nazar salǵan jón.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat www.mtk.gov.kz, www.kad.gov.kz, www.kazavtodor.kz saıttarynda jarııalanady.
«Qazaqavtojol» RMK dıspetcherlik qyzmetteriniń baılanys telefondary:
Aqmola oblysy /7162/ 77-10-15
Almaty oblysy /7272/ 95-80-09, 95-88-74
Aqtóbe oblysy /7132/54-46-42, 54-40-36
Atyraý oblysy /7122/ 29-01-44, 29-21-80
Shyǵys Qazaqstan oblysy /7232/ 26-28-08, 24-08-98
Jambyl oblysy /7262/ 31-50-83, 31-60-05
Batys Qazaqstan oblysy /7112/ 51-08-80, 51-06-10
Qaraǵandy oblysy /7212/ 73-40-01
Qostanaı oblysy /7142/ 55-82-25, 55-82-30
Qyzylorda oblysy /7242/ 27-64-85, 27-77-06
Mańǵystaý oblysy /7292/ 60-53-06, 60-53-07
Pavlodar oblysy /7182/ 57-09-44
Soltústik Qazaqstan oblysy /7152/ 36-74-39
Ońtústik Qazaqstan oblysy /7252/ 55-80-95
