Aýa raıyna baılanysty birneshe óńirde tasjol jabyldy
NUR-SULTAN. QazAqparat – Aýa raıynyń nasharlaýyna baılanysty Aqmola jáne Qaraǵandy oblysynda kólik qozǵalysyna shekteý qoıyldy, dep habarlaıdy QazAqparat QazAvtoJolǵa silteme jasap.
13 aqpan kúni saǵat 12:00-de aýa raıynyń nasharlaýyna baılanysty (qar, jel, boran, joldyń kórinbeýi) Aqmola jáne Qaraǵandy oblystarynda barlyq kólik túrleri úshin qozǵalysqa shekteý qoıyldy.
Atap aıtqanda Aqmola oblysy boıynsha:
1. «Ekaterınbýrg-Almaty» tasjolynyń 1291-1425 shaqyrymy, Nur-Sultannan Temirtaýǵa deıingi ýchaske
2. «Nur-Sultan-Petropavl» tasjolynyń 18-231 shaqyrymy, Nur-Sultannan Şýchınskige deıingi ýchaske
Qaraǵandy oblysy boıynsha:
1. «Qyzylorda-Pavlodar» tasjolynyń 937-1135 shaqyrymy, Qaraǵandy qalasynan Pavlodar oblysyna deıingi ýchaske.
2. «Ekaterınbýrg-Almaty» tasjolynyń 0-16 shaqyrymy, Qaraǵandy qalasynyń Soltústik-Shyǵys aınalma jolyndaǵy ýchaskedegi joldar jabyldy.
