Aýa raıyna baılanysty bes óńirde respýblıkalyq joldar jabyq tur
ASTANA. QazAqparat - «QazAvtoJol» ulttyq kompanııasy búgin saǵat 9.15-tegi jaǵdaı boıynsha 5 óńirde aýa raıynyń qolaısyzdyǵyna baılanysty respýblıkalyq mańyzy bar joldar jabyq ekenin málimdedi, dep habarlaıdy QazAqparat.
Jol qozǵalysy shektelgen ýchaskelerdiń jalpy uzyndyǵy - 1025 shaqyrym nemese respýblıkalyq jeliniń - 4,1%-y.
«Aqtóbe oblysynda «Samara-Shymkent» tasjolynyń Aqtóbe qalasynan Qarabutaq kentine deıingi aralyǵynda jáne BQO shekarasynan Marjanbulaq kentine deıin barlyq avtokólik túri úshin qozǵalys shekteldi.
Almaty oblysynda «Ekaterınbýrg-Almaty» tasjolynyń Jambyl oblysynyń shekarasynan Mejdýrechensk kentine deıin barlyq kólik túri úshin qozǵalys shekteldi.
Jambyl oblysynda «Ekaterınbýrg-Almaty» tasjoly, Býrylbaıtal-Aqsýıek aýyldary arasynda kóliktiń barlyq túri úshin jol qozǵalysy shekteldi.
Batys Qazaqstan oblysynda «Samara-Shymkent» tasjolynyń Jympıty-Aqtóbe oblysynyń shekarasy aralyǵy júk jáne qoǵamdyq kólikter úshin jabyq.
Qaraǵandy oblysynda «Ekaterınbýrg-Almaty» tasjolynyń Aqsý-Aıýly — Balqash aralyǵy barlyq avtokólik túri úshin jabyq», - dep jazdy QazAvtoJol.
Vedomstvo ótken túnde 1 100 tekshe metr kóktaıǵaqqa qarsy materıal sebilgenin de atap ótken. Sondaı-aq búgin respýblıkalyq mańyzdaǵy tasjoldarda kútip-ustaý jumystaryn atqarý úshin 500 birlik arnaıy tehnıka men 800 maman jumyldyryldy.
