Aýa raıyna baılanysty Astananyń jol polıtsııasy júrgizýshilerdi saq bolýǵa shaqyrady
ASTANA. 15 naýryz. QazAqparat - Júrgizýshiler jolda óte saq bolyp, jol júrý erejesin múltiksiz saqtaýy qajet. Apattyq jaǵdaılarǵa ákeletin kilt manevr jasap, tejegishti baspaýy kerek. Bul týraly astana.kz jazady.
Astana qalasy ІІD-niń Jol polıtsııasy basqarmasy avtomobıl ıelerin qarly-jańbyrly qatqaqtan keıin jolda júrgende óte ustamdy bolýǵa shaqyrady. Ásirese, qarsy jol bóligine shyǵyp ketý, birden qatty qozǵalyp, tejeýishti basý qaýipti ekenin eskertedi.
Sonymen qatar, qatty jyldamdyqta mashına taıyp, basqarylmaı ketýi múmkin. Mundaı jaǵdaıdan arnaıy mashyq pen daǵdy bolmasa, shyǵý óte qıyn.
Sondaı-aq, tek júrgizýshiler ǵana emes, jaıaý júrginshilerdiń de jol boıynda, ásirese, jol qıylystarynan óterde óte saq bolýy talap etiledi. Jaıaý júrginshi avtomobıldi kez kelgen ýaqytta kilt toqtatý múmkin emestigin qatań eskerýi qajet. Ásirese, qys kezinde tejelý araqashyqtyǵy edáýir ulǵaıady.
Jol basqarmasy ár júrgizýshiden jolǵa shyǵarda muqııat oılanýyn suraıdy. Aýa raıy kúrt nasharlaǵan kezde keshki, túngi mezgilde alys jolǵa shyǵýdan toqtala turǵan da durys bolady.
