Aýa raıyna baılanysty Astana men Temirtaýdy jalǵaıtyn jol jabyldy
ASTANA. QazAqparat - Aýa raıynyń qolaısyzdyǵyna baılanysty Astana men Temirtaýdy jalǵaıtyn respýblıkalyq mańyzy bar jol jabyldy, dep habarlaıdy QazAqparat.
Astana qalalyq monıtorıng jáne jedel áreket etý ortalyǵynyń málimetinshe, atalǵan tasjolmen júrýge kóliktiń barlyq túrlerine ruqsat joq.
«4-qańtar kúni saǵat 21.30-dan bastap aýa raıynyń nasharlaýyna baılanysty (burqasyn, kórinýdiń shektelýi) respýblıkalyq mańyzy bar Ekaterınbýrg-Almaty tasjolynyń 1291-1426 shaqyrymyndaǵy Astana-Temirtaý bóligi barlyq avtokólik túrlerine jabyq», - dep jazdy vedomstvodan.
Aıta keteıik, buǵan deıin elimizdiń 7 óńirinde 34 respýblıkalyq mańyzdaǵy tasjol ýchaskesi jabyq ekenin jazǵan bolatynbyz.
