Aýa raıyna baılanysty Almaty oblysynyń «Rýbej» beketinde 200-ge jýyq avtokólik tur - TJM
ASTANA. Qańtardyń 23-i. QazAqparat - Aýa raıynyń kúrt nasharlaýyna baılanysty Almaty oblysynyń «Rýbej» beketinde 200-ge jýyq avtokólikten quralǵan kolonna jınalyp qaldy,
dep habarlady TJM-nyń baspasóz qyzmeti.
Mınıstrliktiń aqparatyna sáıkes, aýa raıy jaǵdaıynyń nasharlaýy sebepti juma, qańtardyń 22-si kúni saǵat 20.30-da Almaty-Óskemen avtojolynyń jabylýyna baılanysty, «Rýbej» beketinde 396 jolaýshysy bar 15 avtobýs, 100-ge jýyq júk jáne 50 jeńil avtokólik toqtap tur. «Adamdarǵa tamaqtaný jaǵdaıy uıymdastyrylyp, qosymsha jedel medıtsınalyq járdemniń 2 ekıpajy men Jol polıtsııasy basqarmasynyń qyzmetteri jumyldyryldy», delingen TJM-nyń málimdemesinde.
Qazirgi ýaqytta «Qazaqavtojoldyń» tehnıkalyq kúshimen joldardy tazartý jumystary júrgizilýde.
Osy kúni eki saǵattan keıin Shyǵys Qazaqstan baǵytyna qaraı Almaty-Óskemen avtojoly qaıta ashylyp, birinshi kezekte jiberilgen jolaýshylar avtobýsyna Jol polıtsııasy basqarmasynyń qyzmetkerleri ShQO-nyń shekarasyna deıin ilesip bardy. Odan keıin arasyna 40 mınýt salyp óz qozǵalystaryn jeńil jáne basqa avtokólikter jalǵastyrdy.
Qańtardyń 23-i saǵat 06.00-degi jaǵdaı boıynsha «Rýbej» beketinde úlken kólemdi 25-30 júk kóligi qalyp otyr. TJM-nyń málimetine sáıkes, mashınalar qozǵalystaryn kóp keshikpeı jalǵastyratyn bolady.
