Aýa raıyna baılanysty 3 oblysta eskertý jarııalandy
NUR-SULTAN. QazAqparat – «Qazgıdromet» RMK Mańǵystaý, Qyzylorda jáne Soltústik Qazaqstan oblystarynda aýa raıyna baılanysty eskertý jarııalady, dep habarlaıdy QazAqparat.
22 tamyz kúni Mańǵystaý oblysynynyń keı jerlerinde 39 gradýsqa deıin qatty ystyq bolady.
Sol kúni tańerteń jáne kúndiz Qyzylorda oblysynda soltústikten, soltústik-shyǵystan jel soǵyp, onyń kúshi keı jerlerde 15-20 m/s-ke deıin jetedi. Kúndiz keı jerlerde shańdy daýyl soǵýy múmkin.
22 tamyzda Soltústik Qazaqstan oblysynyń keı jerlerinde naızaǵaı oınap, daýyl soǵady jáne burshaq jaýady. Túnde jáne tańerteń keı jerlerge tuman túsedi. Soltústik-shyǵystan jel soǵyp, onyń ekpini 15-20 m/s-ke jetedi.
Petropavl qalasynda 22 tamyzda naızaǵaı oınap, daýyl soǵady jáne burshaq jaýýy yqtımal. Túnde jáne tańerteń tuman túsedi. Soltústik-shyǵystan jel soǵady, onyń ekpini 15-20 m/s-ke jetedi.
Eskertýdiń yqtımaldyǵy 90-95 %.
