Aýa raıyna baılanysta 3 óńirde kólik qozǵalysy shekteldi
NUR-SULTAN. QazAqparat – 2022 jylǵy 8 qańtarda úsh óńirde aýa raıyna baılanysty kólik qozǵalysyna shekteý engizildi, dep habarlaıdy QazAqparat.
8 qańtarda saǵat 09:20-dan bastap Pavlodar oblysynda aýa raıy jaǵdaıynyń nasharlaýyna (qar, burqasyn, joldyń kórinbeýi, kóktaıǵaq) baılanysty «Qyzylorda-Pavlodar» kúre jolynyń 1135-1382 shaqyrymdary, Qaraǵandy oblysynyń shekarasy – Pavlodar qalasy jáne «Nur-Sultan – Ereımentaý – Shiderti» kúre jolynyń 200-254 shaqyrymdary, Aqmola oblysynyń shekarasy – Shiderti kenti ýchaskesinde kóliktiń barlyq túrleriniń qozǵalysyna shekteý engizildi. Sonymen qatar, 8 qańtar kúngi saǵat 10:00-den bastap Pavlodar oblysyndaǵy kún raıynyń nasharlaýyna baılanysty Aqmola oblysyndaǵy «Nur-Sultan – Ereımentaý – Shiderti» kúre jolynyń 16-200 shaqyrymdary, Nur-Sultan qalasy-Pavlodar oblysynyń shekarasy ýchaskesinde kóliktiń barlyq túrleriniń qozǵalysyna shekteý engizilgen. Osy kúni saǵat 10:00-den bastap Pavlodar oblysynda aýa raıynyń nasharlaýyna baılanysty Qaraǵandy oblysynda «Qyzylorda – Pavlodar» kúre jolynyń 1066-1135 shaqyrymdary, Molodejnyı kenti – Pavlodar oblysynyń shekarasy ýchaskesinden kóliktiń barlyq túrleriniń qozǵalysy shekteldi.
