Aýa raıy: Juma kúni elimizde jel kúsheıip, jańbyr jaýady
ASTANA. QazAqparat - 21 qyrkúıekte Qazaqstannyń basym bóliginde jańbyr jaýady, naızaǵaı jarqyldaıdy, keı jerlerde burshaq jaýýy yqtımal, ońtústik-shyǵysta jel soǵyp, shańdy daýyl turady, dep habarlaıdy QazAqparat Qazgıdrometke silteme jasap.
Sınoptıkterdiń boljamynsha, juma kúngi aýa raıy tsıklon jáne soǵan ilese keletin atmosferalyq aǵyndarǵa baılanysty bolady. Elimizdiń soltústigi men soltústik-batysynyń keı jerlerinde tuman kútiledi.
Aqmola oblysynyń keı jerlerinde tuman kútiledi, burshaq jaýýy múmkin, túnde keı jerlerinde, kúndiz basym bóliginde jel 15-20, ekpini 25 m/s kúsheıýi kútiledi.
Almaty, Jambyl, Qostanaı, Qaraǵandy, Shyǵys Qazaqstan, kúndiz Túrkistan, Qyzylorda oblystarynyń keı jerlerinde jel 15-22 m/s kúsheıýi kútiledi, Almaty oblysynda shańdy daýylsoǵady.
Qostanaı oblysynyń keı jerlerinde tuman kútiledi. Soltústik Qazaqstan oblysynyń keı jerlerinde burshaq jaýýy yqtımal, jel 15-20, kúndiz ekpini 25 m/s kúsheıýi kútiledi.
Qyzylorda, Túrkistan, Mańǵystaý, Jambyl oblystarynyń basym bóliginde, Atyraý, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýipi saqtalady.
