Aýa raıy: Juma kúni elimizde jel kúsheıedi, tuman túsedi
NUR-SULTAN. QazAqparat – 17 sáýirde juma kúni Qazaqstanda kún raıy ashyq, tek elimizdiń batysy men soltústik-batysynda jaýyn jaýady, dep habarlaıdy QazAqparat Qazgıdrometke silteme jasap.
«Ortalyǵy Qaraǵandy oblysynda ornalasqan antıtsıklon jotasynyń áserinen respýblıkanyń basym bóliginde jaýyn-shashynsyz aýa raıy kútiledi. Tek elimizdiń batysy men soltústik-batysyna Fınlıandııa aımaǵynan tsıklonnyń jyrasy jyljıdy, soǵan baılanysty keı jerlerde jańbyr jaýady. Keı jerderde tuman, jeldiń kúsheıýi, batysta shańdy daýylmen, burshaq kútiledi», delingen aýa raıy boljamynda.
Soltústik Qazaqstan oblysynyń keı jerlerinde tuman kútiledi, jel túnde keı jerlerinde 15-20 m/s, kúndiz basym bóliginde 15-20, keı jerlerinde ekpini 23-28 m/s kúsheıedi.
Batys Qazaqstan oblysynyń kúndiz keı jerlerinde burshaq kútiledi, jel túnde keı jerlerinde, kúndiz basym bóliginde 15-20 m/s kúsheıedi.
Aqmola, Túrkistan, Qostanaı, kúndiz Qyzylorda, Atyraý oblystarynyń keı jerlerinde jel 15-20 m/s jeteli, Atyraý oblysynda shańdy daýyl soǵady. Aqtóbe oblysynda kúndiz jel 15-20 m/s kúsheıedi. Jambyl, Shyǵys Qazaqstan, Qaraǵandy, túnde jáne tańerteń Almaty oblystarynyń keı jerlerinde tuman kútiledi, kúndiz Qaraǵandy oblysynyń ońtústik-shyǵysynda jel 18 m/s kúsheıedi.
