Aýa raıy: Juma kúni elimizde kún raıy ashyq bolady
NUR-SULTAN. QazAqparat – Juma kúni elimizde kún raıy ashyq bolady, dep habarlaıdy QazAqparat Qazgıdrometke silteme jasap.
«13 qyrkúıekte Qazaqstannyń basym bóliginde antıtsıklon ornalasýyna baılanysta jaýyn-shashynsyz aýa raıy kútiledi. Tek elimizdiń soltústiginde qubylmaly aýa raıy saqtalady – keı jerlerde naızaǵaıly jańbyr jaýady. Keı jerlerde tuman, jel kúsheıedi», delingen boljamda.
Túnde jáne tańerteń Aqmola, Shyǵys Qazaqstan oblystarynyń keı jerlerinde tuman kútiledi, tańerteń jáne kúndiz jel 15-20 m/s kúsheıedi. Jambyl oblysynyń keı jerlerinde tuman kútiledi, túnde jáne tańerteń keı jerlerinde jel 15-20 m/s kúsheıedi.
Túrkistan oblysynyń keı jerlerinde jel 15-20 m/s kúsheıedi.
Qostanaı, Soltústik Qazaqstan, Qaraǵandy oblystarynyń túnde jáne tańerteń keı jerlerinde tuman kútiledi.
Túrkistan, Qyzylorda oblystarynda, Jambyl oblystarynyń keı jerlerinde, Karaǵandy oblysynda, Aqtóbe, Batys Qazaqstan oblystarynyń ońtústiginde, Atyraý, Almaty oblystarynyń batysynda óte joǵary órt qaýipi saqtalady.
