Aýa raıy: Jeksenbide birqatar oblys aýmaǵynda qatty ystyq bolady
NUR-SULTAN. QazAqparat – Jeksenbide Qostanaı, Atyraý, Batys Qazaqstan oblystarynyń aýmaǵynda qatty ystyq bolady, dep habarlaıdy QazAqparat Qazgıdrometke silteme jasap.
16 mamyrda Qazaqstan terrıtorııasynyń basym bóligi soltústik-batys antıtsıklon yqpalynda bolatyndyqtan, kún raıy ashyq. Tek elimizdiń soltústik, ortalyq jáne ońtústik-shyǵysynda atmosferalyq frontaldy bólikterdiń ótýine baılanysty keı jerlerde naızaǵaıly azdaǵan jańbyr jaýady. Keı jerlerde, elimizdiń ońtústigi jáne ońtústik-batysynda jel kúsheıip, shańdy daýyl soǵady.
Kúndiz Soltústik Qazaqstan oblysynda jel 15-20, ekpini 25 m/s kúsheıedi. Qyzylorda oblysynda túnde keı jerlerinde, kúndiz basym bóliginde jel 15-20 m/s kúsheıedi, keı jerlerde shańdy daýyl soǵady.
Jambyl, Túrkistan, Mańǵystaý oblystarynyń keı jerlerinde jel 15-20 m/s kúsheıedi, Jambyl, kúndiz Túrkistan oblystarynda ekpini 23-28 m/s jetedi, Túrkistan, kúndiz Mańǵystaý oblystarynda shańdy daýyl soǵady.
Kúndiz Aqmola, Pavlodar oblystarynyń keı jerlerinde jel 15-20 m/s kúsheıedi, Pavlodar oblysynda naızaǵaı oınaıdy.
Kúndiz Almaty oblysynyń keı jerlerinde naızaǵaı jarqyldaıdy.
Kúndiz Qostanaı, Atyraý oblystarynyń keı jerlerinde, Batys Qazaqstan oblysynyń ońtústiginde qatty ystyq bolady.
Qyzylorda oblysynyń basym bóliginde, Almaty oblysynyń jekelegen aýdanynda yqtımal órt qaýpi óte joǵary.
