Aýa raıy: Jeksenbi qar jaýady, jel kúsheıip burqasyn soǵady
ASTANA. QazAqparat - 30 jeltoqsanda jeksenbi kúni Qazaqstannyń basym bóliginde qubylmaly aýa raıy saqtalady, qar jaýady. Elimizdiń keı jerlerinde kóktaıǵaq bolady, tuman túsedi, burqasyn soǵyp, jel kúsheıedi, dep habarlaıdy QazAqparat Qazgıdrometke silteme jasap.
Jambyl oblysynyń keı jerlerinde jyldamdyǵy sekýndyna 15-20 metr jel soǵady, túnde jáne tańerteń ekpini 23-28 m/s kúsheıedi, tuman túsedi, kóktaıǵaq bolady.
Túrkistan oblysynyń keı jerlerinde jeldiń jyldamdyǵy 15-20 m/s, ekpini sekýndyna 25 metrge deıin kúsheıedi, tuman túsedi, kóktaıǵaq bolady, burqasyn soǵady.
Shyǵys Qazaqstan oblysynyń keı jerlerinde jaıaý burqasyn bolyp, jel jyldamdyǵy 15-20 m/s jetedi, Jarma aýdanynda jeldiń 25 m/s kúsheıedi.
Almaty oblysynyń keı jerlerinde tuman túsedi, Jalańashkól aýdanynda jel kúsheıedi, jyldamdyǵy 20-25 m/s bolady.
Aqmola oblysynyń keı jerlerinde tuman túsip, kóktaıǵaq bolady, burqasyn soǵady, jel 15-20 m/s kúsheıedi.
Qostanaı, Soltústik Qazaqstan, Pavlodar oblystarynyń keı jerlerinde tuman túsedi, burqasyn bolady, jel 15-20 m/s kúsheıedi.
Qaraǵandy oblysynyń keı jerlerinde jel 15-20 m/s soǵady, burqasyn bolady.
Qyzylorda, Mańǵystaý oblystarynyń keı jerlerinde tuman túsip, kóktaıǵaq bolady.
Batys Qazaqstan, Aqtóbe oblystarynyń keı jerlerinde tuman túsedi.
