Aýa raıy jaǵdaıyna baılanysty Almaty jáne Shyǵys Qazaqstan oblystarynda birneshe baǵyttaǵy tas joldar jabyldy - TJM
ASTANA. Qańtardyń 25-i. QazAqparat - Aýa raıynyń qolaısyzdyǵyna baılanysty qańtardyń 24-i kúni keshqurym Almaty jáne Shyǵys Qazaqstan oblystarynda barlyq avtokólikter úshin birneshe baǵyttar boıynsha avtojoldar jabyldy,
dep habarlady Tótenshe jaǵdaılar mınıstrliginen.
Kóktaıǵaq pen burqasynnyń bolýy sebepti Almaty oblysynda «Almaty-Óskemen» tas joly, ShQO-da «Taskesken-Baqty» avtojolynyń 78-187-shi shaqyrym aralyǵyndaǵy ýchaske, «Almaty-Óskemen» avtojolynyń 615-1079 shaqyrym aralyǵyndaǵy bóligi, sondaı-aq «Semeı-Qalbataý-Kókpekti», «Qaljyr-Terekti» jáne «Kúrshim-Qaljyr» kúre jolynyń 0-98 shaqyrym aralyǵyndaǵy aýmaq jabyldy.
