Aýa raıy: Úsh óńirde eskertý jarııalandy
ASTANA. QazAqparat - Qazaqstannyń úsh óńirinde aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, 22 shildede kúndiz Qyzylorda oblysynyń basym bóliginde 420S qatty ystyq bolady. 23 shildede kúndiz keı jerlerde 400S deıingi ystyq saqtalady. Sondaı-aq 22, 23 jáne 24 shilde kúnderi aımaqtyń jekelegen jerlerinde shańdy daýyl turyp, 15-20 m/s ekpinmen ońtústikten, ońtústik-shyǵystan soqqan jel soltústik-shyǵysqa aýysady. 23-24 shildede keı aýmaqtarda naızaǵaı kútiledi.Eskertýdiń yqtımaldylyǵy 90-95 %
22 shilde kúni Qostanaı oblysynda soltústik-shyǵystan soqqan jeldiń kúshi 17-22 m/s jetedi, keı jerlerde naızaǵaı kútiledi. Eskertýdiń yqtımaldylyǵy 90-95 %
22 shildede Soltústik Qazaqstan oblysynda soltústik-shyǵystan 15-20 m/s jyldamdyqta jel soǵady. Keı jerlerde ekpini 25 m/s jetýi múmkin. 22 shilde kúni Petropavl qalasynda soltústik-shyǵystan soǵatyn jeldiń kúshi 15-20 m/s bolatyny kútiledi. Eskertýdiń yqtımaldyǵy 90-95 %
